網頁

2024年3月17日星期日

晚餐之麻辣雞煲加打邊爐

今日星期日可以休息,正常開工2日啲媽咪都需要我星期日做埋遲啲先計返呢日,呢個媽咪覺得唔需要因為囡囡好乖食飽就瞓她們搞得掂,其它等星期一我返先處理,只準備咗湯同2日的早餐比她們,咁我就可以休息一下,好彩對腳搽咗藥油同貼咗膏布好咗好多,行得好啲無咁痛但喺都要慢,星期日都喺瞓到8點幾,起身整早餐同老公食,啲女瞓到夠有需要先整,食完早餐就清潔一下同睇下要買定下星期她們帶飯啲料,今日約咗細妹飲茶,飲完就買餸回家,2個女今晚喺到食話食麻辣雞,阿妹又話要打邊爐,每次麻辣雞都要2只雞,今次無茄子就咁煮好食完就加水入去打邊爐,其實打邊爐興趣唔喺好大,因為開工都喺一煲過同打邊爐無咩分別,阿妹就好開心買咗pack魚皮話啱哂打邊爐,簡簡單單又開餐

今次好多芫茜

雞煲

滾起就食得

食完雞就加水加菜,丸

今次買咗細女喜歡的牛舌





2024年3月15日星期五

晚餐之老公煮

今日終於開工啦,媽咪喺12號生咗,正常喺政府醫院順產2日就出得,星期三同買四全日在家等,他們都以為2日就出好緊張怕星期二就出院問我是否可以開工,我已隨時準備開工,通常第一胎會第三日先出我叫她們放心要跟哂大同細都無事先會出,點知在家等足2日都唔咁出門,隨時攞嘢就開工,最後今日先開工,昨晚她們先出院,她們又好急約咗9點出健康院,我正常會同她們去,但太遠我盡趕,個媽咪話唔緊要有婆婆同爸爸去,今日5點幾起身搞掂咗老公出門整埋早,午餐比他們後自己食咗早餐就出門,太早只係買到菜同肉去到8點幾,先睇下她們出門的物品,已經提咗媽咪所有出院文件要帶去健康院,點知個媽咪無啦啦攞起最重要的針咭,本來喺屋企整定嘢最後都喺跟到完先一齊回家,初生第一次去健康院好忙通常3個鐘左右,先登記填表等磅重見姑娘最後見埋醫生,一齊都好,體重又有增就book期滿月打針就走得,如果黃喺高峰期一般過幾日就要去多次,BB黃就未得體重有增咁就星期一再嚟睇黃,跟住回去已經差唔多一點先趕午餐比她們食,好彩出門前已煲好湯,是旦炒個菜,蟲草花煎肉餅同三式椒炒肉眼根,邊洗邊煮搞掂就開餐,我就是旦食咗幾條菜同BB沖涼跟住清潔再跟媽咪啲人奶好忙好忙,搞掂哂差唔多7點回家時對腳痛到寸步難行感覺好腫脹,事因補送文件去健康院太心急喺佢哋屋苑行落去搭地鐵,喺屋苑嗰度出到商場行去地鐵時原來有兩梯級因為冇諗過有梯級同好平,點知一腳踩落去就趴咗喺度,有無人幫好辛苦先起到身,好彩行到就繼續行快步趕去,回去後又不停做連水都無咩點飲,收工時先知痛比平時多用半小時回家,因行去地鐵10分變20分要落差唔多40步的樓梯最慘喺落,慢慢一步一步落,再行先入到地鐵,跟住又要行一段路轉小巴回家,今晚老公回家簡單準備晚餐清雪櫃等我食,個人攰到唔識旭喺sofa叫老公搽油再貼後就瞓著咗

之前買咗2條,叫老公焗埋

炆定啲牛根返熱就食得


2024年3月13日星期三

晚餐之四餸一湯

以為明天開工,今日一早就起整好早餐同午餐各人出門後清潔同準備明天開工的嘢,個媽咪星期一見紅入院到夜晚12點幾開始陣痛後2個幾鐘就生咗好開心,本來安排星期四入院安排星期五催山,可能BB 唔鐘意個時間,自己就提早走出嚟,媽咪同爸爸就好緊張以為今日出得院,問我可唔可以開工,我就話唔會咁快應該星期四就差唔多,他們怕喺會比人趕出院,我就叫她們放心,昨日BB先出嚟又喺第一胎都要教媽咪點照顧BB同餵奶,今日喺屋企等咗一日無出去,雪櫃都有餸諗住清一清,開工後就無時間煮餸通常一煲過或外賣,特別開工頭幾日一定夜,今晚就煮豐富啲魚,肉同菜加多個茄子肉鬆好餸飯同豆腐忌廉湯,搞掂齊心又開餐

紫洋蔥雞脾菇炒西蘭花

薑蔥味增煮青魚
焗燒排骨
魚香茄子


2024年3月11日星期一

晚餐在尖沙咀彩福

今日都喺一早起身準備好早,午餐就在家清潔一下就覆下whatapp上下綱,今晚約咗班同學食飯,疫情過後而家開始又可以一個月一次聚會,雖然有個同學去咗澳洲,我們聚會都照約,多數都喺尖沙咀因為就一個同學放工後嚟,今次有同學提議再去試彩福,上次去過價錢貴之餘,食物麻麻諗住幾年無去睇下有冇改善,提議的同學先到坐低提下有咩嘢食,但都無咩特價嘢,四人餐都要7百幾未計茶錢小食同加一,最後都喺每人揀一個餸,今次有啲餸都好味,之後又叫咗2個燉椰皇同紅豆糕一齊share,傾下食下又差唔多十點就埋單各自回家

豆腐拼鮮魷,豆腐好味,鮮魷就麻麻
半只炸子雞
南乳齋煲
呢個係攞獎叉燒但我覺得一般
柚子骨
燒腩仔
燕窩燉椰皇
紅豆糕得幾粒好細,一人試少少


2024年3月10日星期日

晚餐之麻辣茄子雞煲加打邊爐

話咁快又星期日啦,今日個個都唔洗返齊齊可以瞓到自然醒,我同老公今日都晏,差唔多9點幾先起,點知大女已經起自己整咗早餐,見我哋起都沖咗咖啡比我哋,咁我就焗咗包一人加半只牛油果同炒蛋配阿女的即即磨蒸餾咖啡,而家老公都飲到可唔加奶加糖,細女都起簡單焗2塊薯餅炒只蛋之後就去清潔洗衫,下午約咗細妹去飲茶,飲完茶就去買餸,阿囡話好耐無食雞煲,細妹話咁凍打邊爐,咁就一於雞煲後打邊爐,每次整麻辣雞煲一定2只雞先夠食,今次加多2只茄子一齊煮個雞煲,因為細妹喜歡食茄子,點知2個女都話超好味,下次可再加,準備好哂人齊又開餐


食完啲雞就加湯底,用蘿蔔雞脚先煲定個湯



呢個雞煲喺先用花椒,蒜茸,薑爆香加雞炒香後加酒,醬油同乾椒,冰糖入去煮,之後再加茄子試味就搞掂

我同老公的早餐
細女的早餐